NATOတပ်ဖွဲ့တွေအာဖဂန်ကရုပ်သိမ်းချိန်တန်ပြီ (ကန်ဝန်ကြီး Antony Blinken)

News

အာဖဂန်နစ္စတန်နိုင်ငံမှာ တပ်စွဲထားတဲ့ မြောက်အန္တလန်တိန်စာချုပ် NATO တပ်ဖွဲ့ဝင်တွေကို ပြန်ခေါ်ဖို့ အချိန်ရောက်လာပြီလို့ အမေရိကန်နိုင်ငံခြားရေးဝန်ကြီး Antony Blinken က ဗုဒ္ဓဟူးနေ့မှာပြောပါတယ်။

တပ်တွေစေလွှတ်ခဲ့ရတဲ့ ရည်မှန်းချက်တွေ ပြည့်မှီသွားပြီဖြစ်တဲ့အတွက် အာဖဂန်နစ္စတန်နိုင်ငံရောက်နေတိုး တပ်တွေကို လာမယ့်လတွေအတွင်း ဘေးကင်းလုံခြုံစွာပြန်ရုပ်သိမ်းနိုင်ဖို့ အသေအချာပူးပေါင်းဆောင်ရွက်သွားမှာဖြစ်တယ်လို့လည်း ဘယ်လ်ဂျီယံနိုင်ငံဘရပ်ဆဲလ်မြို့မှာ နေတိုးအကြီးအကဲ Jens Stoltenberg နဲ့ပူးတွဲလုပ်တဲ့သတင်းစာရှင်းလင်းပွဲမှာ ဝန်ကြီး Blinken ကအဲဒီလို ပြောဆိုခဲ့တာပါ။ တပ်တွေကို ပြန်ရုပ်မှာဖြစ်ပေမယ့် အာဖဂန်နစ္စတန်အပေါ်ထားရှိတဲ့ ကတိကဝတ်တွေတော့ ပြောင်းလဲသွားမှာမဟုတ်ဘူးလို့လည်း ပြောပါတယ်။

နေတိုးအကြီးအကဲ Stolenberg အမေရိကန်ကာကွယ်ရေးဝန်ကြီး Lloyd Austin၊ ဂျာမန်နိုင်ငံခြားရေးဝန်ကြီး Heiko Maas ၊ အီတလီနိုင်ငံခြားရေးဝန်ကြီး Luigi DiMaio နဲ့ တူရကီနိုင်ငံခြားရေးဝန်ကြီး Mevlut Cavusoglu အပြင် ဗြိတိန်နိုင်ငံခြားရေးဝန်ကြီး Domonic Raab တို့နဲ့လည်း ဝန်ကြီး Blinken ဗုဒ္ဓဟူးနေ့မှာ တွေ့ဆုံဆွေးနွေးဖို့လည်း စီစဉ်ထားပါတယ်။

အာဖဂန်နစ္စတန်မှာတပ်စွဲထားတဲ့နေတိုးတပ်ဖွဲ့တွေရဲ့ အရေးကိစ္စမှာ အမေရိကန်နဲ့ အနီးကပ်တိုင်ပင် ပူးပေါင်းဆောင်ရွက်ခွင့်ရတဲ့အပေါ် ကြိုဆိုပါတယ်လို့ Stolenberg ကပြောပါတယ်။ အာဖဂန်က အမေရိကန်တပ်တွေကို ပြန်ရုပ်ဖို့ကိုလည်း နေတိုးတပ်ဖွဲ့ဝင် မဟာမိတ်နိုင်ငံ တွေနဲ့ လက်တွဲပြီး ဆုံးဖြတ်မှာဖြစ်တယ်လို့ အမေရိကန်အရာရှိတွေကပြောဆိုထားတာဖြစ်ပါတယ်။

credit – VOA

Leave a Reply