Hellfire ငရဲမီး ဆိုတာ

News Social News

Hellfire ငရဲမီး ဆိုတာ

ငရဲမီးဆိုတာ အလွန်ပူပြင်းတဲ့အရာလို့ သိကြပါလိမ့်မယ်။ မှန်ပါတယ်။ အ‌မေရိကန်ရဲ့ ရန်သူတွေအတွက်တော့ ဒီနာမည်ဟာ ငရဲမီးလို ပူလောင်စေပါတယ်။ သူက တိကျစွာ ပစ်ခတ်ချေမှုန်းနိုင်တဲ့ ဒုံးကျည်တစ်ခု ဖြစ်လို့ပါ။

လော့ဟိမာတင်ကုမ္ပဏီက AGM-114 Hellfire ဒုံးကျည် အမျိုးအစားသစ်ကို ထုတ်လုပ်ခဲ့ပါတယ်။ ဒီဒုံးကျည်က ဘာတွေစွမ်းသလဲဆိုတာ ရှာဖွေတင်ပြပါရစေ။

Hellfire AGM ဒုံးကျည်ဆိုတာ Air-to- Ground ဝေဟင်မှမြေပြင်ပစ် အမျိုးအစားပါ။ နောက်ဆုံးထုပ်တဲ့ AGM-114 series တွေမှာဆိုရင် အရှည် ၁၆၃ စင်တီမီတာ၊ လုံးပါတ် ၁၇.၈ စင်တီမီတာ ရှိပါတယ်။ အလေးချိန်က ၄၉.၄ ကီလိုဂရမ်လေးပါတယ်။

Semi-active Laser seeker ခေါ် လေဆာလမ်းညွှန်စနစ် ပါပါတယ်။ ဒီစနစ်ကို Mode နှစ်မျိုးနဲ့ သုံးနိုင်ပါတယ်။ Pre-fire mode နဲ့ Post-fire mode ပါ။

ဒုံးကျည်ကို လေယာဉ်၊ ရဟတ်ယာဉ်၊ မော်တော်ယာဉ်၊ သင်္ဘောနဲ့သာမက မြေပြင်မှ သုံးချောင်းထောက်ပစ်စင် ကနေ အမျိုးမျိုး ပစ်ခတ်နိုင်ပါတယ်။ ဘက်စုံသုံး ထိပ်ဖူးအမျိုးမျိုး လဲလှယ်တပ်ဆင်နိုင်ပြီး အကွာအဝေး ၈ ကီလိုမီတာအထိ ပစ်ခတ်နိုင်ပါတယ်။

၉ ကီလိုဂရမ် ထိပ်ဖူးတပ်မယ်ဆိုရင် ပြင်းအား ၆.၈ ကီလိုဂရမ် ပေါက်ကွဲအားက ၁.၄ မီတာ အထူရှိတဲ့ ပစ်မှတ်ကို ဖေါက်ထွင်း နိုင်ပါတယ်။

AGM-114K မှာဆိုရင် ထိပ်ဖူးနှစ်ခုရှေ့နောက်စီ တပ်ထားလို့ နှစ်ဆင့်ကွဲပြီး ပစ်မှတ်ကို ဖျက်ဆီးတာမျိုးပါ။

AGM-114M ကတော့ ဖြာထွက်ပေါက်ကွဲပြီး မီးလောင်စေပါတယ်။ သူက ထုထည်ရှိတဲ့ပစ်မှတ် ( တင့်ကား သံချပ်ကာယာဉ်၊ဘန်ကာ ) တွေပစ်ခတ်ရာမှာ မသုံးပါဘူး။

ဆွီဒင်မှာ မိတ်ဆက်ခဲ့တဲ့ AGM -114 ကတော့ သင်္ဘောဖျက် အမျိုးအစားဖြစ်ပြီး အလတ်စားသင်္ဘောတွေ ပစ်ခတ်ဖျက်ဆီးနိုင်ပါတယ်။

အဓိကကတော့ AGM -114 တွေကို တင့်ကားပစ်ဖို့အတွက် ရည်ရွယ်ထုတ်လုပ်တာဖြစ်ပါတယ်။ အမေရိကန် စစ်တပ်ကတော့ သူ့ကို Hairfa လို့ခေါ်ကြပါတယ်။ Smart လို့လည်း လူသိများပါတယ်။

ယူအက်စ် မရိန်းတွေက ၆၀၀၀၀ အထိမှာယူ အသုံးပြုခဲ့ပါတယ်။ ယခင်အသုံးပြုခဲ့တဲ့ TOW ဒုံးကျည်တွေနေရာမှာ အစားထိုးဖို့ပါ။

အပါချီရဟတ်ယာဉ်တွေမှာ Hellfire ကို အဓိကတပ်ဆင်ပြီး တိုက်ပွဲဝင်ခဲ့တဲ့ သာဓကတွေ ရှိပါတယ်။ ပါရှင်းပင်လယ်ကွေ့စစ်ပွဲအတွင်း အပါချီရဟတ်ယာဉ်မှူးတွေဟာ Semi-active Laser seeker system အကူအညီနဲ့ တင့်ကားအများအပြားကို ပစ်ခတ်ဖျက်ဆီးခဲ့ပါတယ်။

ဒီလိုအစွမ်းထက်လှတဲ့ Hellfire ဒုံးတွေကို ယူကေ၊ နော်ဝေး၊ ဂျာမနီ၊ အစ္စရေး ၊အီတလီ၊ အိန္ဒိယ တို့ကို ရောင်းချပေးခဲ့ပါတယ်။

နောက်ဆုံးတင်ပြချင်တာကတော့ အယ်ခိုင်ဒါခေါင်းဆောင် အယ်မန်ဒါဇဝါဟရီ ကို သုတ်သင်ခဲ့တာကလည်း ပေါက်ကွဲစေတဲ့ ထိပ်ဖူးမပါဘဲ ဓါးသွားခြောက်လက်က လည်ပါတ်ခုတ်ဖြတ်စေနိုင်တဲ့ Hellfire ဒုံးကျည်ကို အသုံးပြုခဲ့တယ်ဆိုတာ ဖြစ်ပါတယ်လို့တင်ပြရင်း အဆုံးသတ်လိုက်ပါတယ်။

Knight News Team

Crd