အသင်း၏အနာဂတ်အစီအစဉ်များအတွက် လာမည့်ရာသီတွင် ဖာဂူဆန်ကို အရေးပါသည့် ရာထူးတစ်နေရာပြန်ပေးရန် မန်ယူပရိသတ်များတောင်းဆို

Sports

မန်ယူအသင်း၏ဂန္ထဝင်နည်းပြကြီးဖြစ်သည့်ဆာအဲလက်စ်ဖာဂူဆန်သည်လာမည့်ရာသီတွင်အသင်း၏အနာဂတ်အစီအစဉ်များအတွက်ပိုမိုအရေးပါသည့်ရာထူးတစ်နေရာရာတွင်ပြန်ပေးရန်အတွက်ပရိသတ်များ၏ထောက်ခံတောင်းဆိုမှုများကိုရရှိထားကြောင်းသိရှိရသည်။ 

ဖာဂူဆန်သည်ယခုအချိန်တွင်အသင်း၏သံတမန်အခန်းကဏ္ဍတွင်ရှိနေသော်လည်းယင်းရာထူးသည်အသင်း၏ အပြောင်းအရွှေ့နှင့်အခြားစီမံခန့်ခွဲမှုများတွင်ထဲထဲဝင်ဝင်ပါဝင်ခြင်းမရှိသည့်ရာထူးဖြစ်နေသည်။ယခုအချိန်တွင်အက်ဒ်ဝုဒ်ဝက်ဒ်ရာထူးမှနုတ်ထွက်တော့မည်ဖြစ်ရာဖာဂူဆန်၏အခန်းကဏ္ဍကိုပိုမိုတိုးမြှင့်ရန်အတွက်ပရိသတ်များက ဆန္ဒရှိနေခြင်းဖြစ်ပြီးဖာဂူဆန်အားလုပ်ပိုင်ခွင့်ပိုတိုးပေးခြင်းဖြင့်ချန်ပီယံလိဂ်နှင့်ပရီးမီးယားလိဂ်ဖလားကို(၈)နှစ်ဆက်လွဲချော်ခဲ့သည့်အခြေအနေအားကျော်ဖြတ်နိုင်မည်ဟုပရိသတ်များကယုံကြည်နေကြသည်။

ဖာဂူဆန်သည်အက်ဒ်ဝုဒ်ဝက်ဒ်၏လုပ်ဆောင်ချက်များအပေါ်ဝေဖန်မှုပြုလုပ်ခဲ့ပြီးနောက်အသင်းအောင်မြင်ရေးစီမံကိန်းများတွင်ထဲထဲဝင်ဝင်ပါဝင်လာနိုင်သည်ဟုလည်းခန့်မှန်းမှုများရှိနေသည်။

credit – news-eleven

Leave a Reply