“အမေရိကန်-ရုရှား” နျူတိုက်ပွဲဟာ ကမ္ဘာ့လူဦးရေရဲ့ ထက်ဝက်ကျော်ကို သုတ်သင်သွားနိုင်

News Social News World

“အမေရိကန်-ရုရှား” နျူတိုက်ပွဲဟာ ကမ္ဘာ့လူဦးရေရဲ့ ထက်ဝက်ကျော်ကို သုတ်သင်သွားနိုင်

စစ်ပွဲရဲ့အကျိုးဆက်ဟာ ကမ္ဘာလုံးဆိုင်ရာ ကယ်လိုရီထုတ်လုပ်မှုကို ၉၀ ရာခိုင်နှုန်း လျှော့ချသွားနိုင်ပါတယ်။

အမေရိကန်၊ ရုရှားနဲ့ သူတို့ရဲ့ မဟာမိတ်များကြား နျူကလီးယားစစ်ပွဲအပြီးမှာ ကမ္ဘာ့လူဦးရေရဲ့ ၆၃ ရာခိုင်နှုန်းခန့် အကြမ်းဖျင်းအားဖြင့် လူ ၅ ဘီလီယံကျော်ဟာ အငတ်ဘေးကြောင့် သေဆုံးရလိမ့်မည်ဖြစ်ကြောင်း လေ့လာမှုအသစ်တစ်ရပ်က ဖော်ပြထားခဲ့ပါတယ်။

သုတေသီများရဲ့ အဆိုအရ အဆိုပါ ပဋိပက္ခဟာ ကမ္ဘာ့လေထုထဲသို့ ဓာတုဗေဒ တန်ချိန် ၁၆၅ သန်း (မက်ထရစ်တန် သန်း ၁၅၀) အထိ ထုတ်လွှတ်နိုင်ပြီး ကမ္ဘာလုံးဆိုင်ရာ ကယ်လိုရီထုတ်လုပ်မှု ၉၀% အထိ ကျဆင်းသွားစေမှာဖြစ်သလို အမေရိကန်နဲ့ ရုရှားနိုင်ငံတို့ စားသုံးသည့် သီးနှံများ ကျဆင်းမှုတို့ကို ဖြစ်ပေါ်စေမည် ဖြစ်ကြောင်း သုတေသီများက သုံးသပ်ထားကြပါတယ်။

အဆိုပါ လေ့လာမှုအား ဩဂုတ်လ ၁၅ ရက်နေ့ထုတ် Nature Food ဂျာနယ်က ဖော်ပြထားခဲ့ပြီး နျူကလီးယားစစ်ပွဲရဲ့ ခြိမ်းခြောက်မှုကို ပုံဖော်ရန် ကြိုးပမ်းခဲ့တဲ့ ဆယ်စုနှစ် လေးခုအတွင်း နောက်ဆုံးပေါ် အထင်ကရ သုတေသနပြုချက်ဖြစ်ပါတယ်။

ကမ္ဘာ့နျူကလီးယားထိပ်ဖူး ၁၂,၇၀၅ အနက် ရုရှားမှာ ၅၉၇၇ စင်းရှိပြီး အမေရိကန်မှာ ၅၄၂၈ လုံးရှိကြောင်း စတော့ဟုမ်း နိုင်ငံတကာ ငြိမ်းချမ်းရေးသုတေသနဌာနရဲ့ နောက်ဆုံးအစီရင်ခံစာအရ သိရပါတယ်။

တတိယမြောက် နျူကလီယားထိပ်ဖူးအများဆုံးရှိတဲ့ နိုင်ငံမှာတော့ တရုတ်နိုင်ငံဖြစ်ပြီး ၃၅၀ ရှိပါတယ်။ အိန္ဒိယနဲ့ ပါကစ္စတန်တို့ကတော့ ၁၆၅ နဲ့ ၁၆၀ အသီးသီးရှိပါတယ်။

နျူကလီးယား စစ်ပွဲဟာ လူသားတို့သမိုင်းတစ်လျှောက်မှာ မကြုံတွေ့ဖူးတဲ့ ရာသီဥတု အကျိုးသက်ရောက်မှုမျိုးကို ကြုံတွေ့စေရလိမ့်မည်လို့ ရာသီဥဆုဆိုင်ရာ ကျွမ်းကျင်သူတို့ကလည်း အတည်ပြုထားကြပါတယ်။

အမေရိကန်-ရုရှား နျူကလီးယားစစ်ပွဲကြောင့် အိန္ဒိယနဲ့ ပါကစ္စတန် တစ်နိုင်ငံတည်းမှာ [အစာခေါင်းပါးမှု] ကြောင့် သေဆုံးမှုများဟာ စစ်ပွဲကို အမှန်တကယ်တိုက်ခိုက်နေတဲ့ နိုင်ငံများထက် ပိုမိုများပြားနိုင်တယ်လို့ ဆိုထားကြပါတယ်။

နျူစစ်ပွဲရဲ့ ချက်ခြင်းလက်ငင်း သက်ရောက်မှုကို ဖော်ပြရမယ်ဆိုရင်တော့ အမေရိကန်က အဏုမြူဗုံး “Little Boy” ကို ဂျပန် ဟီရိုရှီးမားမြို့အား သြဂုတ် ၆ ရက်၊ ၁၉၄၅ ခုနှစ်က ပစ်ချခဲ့တဲ့ ဖြစ်စဥ်ကို ပြန်လည်ကြည့်ရှုရမှာပါပဲ။

ဗုံးပေါက်ကွဲပြီး ငါးလအတွင်း ခန့်မှန်းချေ လူပေါင်း ၁၄၀,၀၀၀ ခန့် သေဆုံးခဲ့ပြီး မြို့တော်ရဲ့ အဆောက်အဦ ၉၀,၀၀၀ ခန့်ကို ပြင်းထန်စွာ ပျက်စီးစေခဲ့ပါတယ်။

ဂျာနယ်လစ်တစ်ဦးရဲ့ မျက်မြင်သက်သေတွေရဲ့ ဖော်ပြထားချက်မှာတော ဗုံးရဲ့အလင်းဟာ နေကဲ့သို့တောက်ပတဲ့ “ဆူညံမှုမရှိသော” မီးရောင်တစ်ခုအဖြစ် ပေါ်လာပါတယ်။

အဲဒီနောက် မီးခိုးလုံးကြီးများ ရောက်ရှိလာပြီး အဆောက်အအုံများ ပြိုကျကာ အလောင်းများကို ဖြစ်ပေါ်စေခဲ့ပါတယ်။ နောက်ပိုင်းမှာ အငွေ့ပျံနေတဲ့ အလောင်းများနဲ့အတူ နံရံများနဲ့ လမ်းမများပေါ်မှာ အနီရဲ့ အမည်းရောင်တွေကို ဖြစ်ပေါ်စေခဲ့ပါတယ်။

ပေါက်ကွဲမှုနဲ့ နီးကပ်စွာ ထိတွေ့ခဲ့ရသော အသက်ရှင် ကျန်ရစ်သူများမှာ အဝတ်ဗလာဖြင့် ထွက်ပေါ်လာပြီး ပေါက်ကွဲမှုရဲ့ အပူဒဏ်ကြောင့် သူတို့၏ အရေပြားတွေဟာလည်း “ချော်ထွက်” သွားခဲ့ရကြောင်း တုန်လှုပ်ချောက်ချားဖွယ်ရာ အဖြစ်အပျက်တစ်ခုကို ကျွန်ုပ်တွေ တစ်ချိန်က ဖတ်ခဲ့ရဖူးပါတယ်။

Little Boy ရဲ့ ဓာတ်မတည့်မှုစွမ်းအားနဲ့ ဓာတ်ပြုမှုရဲ့ ရလဒ်တွေဖြစ်တဲ့ ရေဒီယိုသတ္တိကြွ ဖောက်ထွက်မှုဟာ ဧရိယာကို လွှမ်းခြုံသွားခဲ့ပါတယ်။

သုံးရက်အကြာမှာတော့ ဗုံးကြဲခံရသော ဟီရိုရှီးမားနှင့် နာဂါဆာကီတို့မှာ ကင်ဆာ၊ အရေပြားရောဂါနဲ့ အခြားကျန်းမာရေး အခြေအနေဆိုးများနဲ့ ရင်ဆိုင်ခဲ့ပြီး အသက်ရှင်ကျန်ရစ်သူများမှာလည်း ဆိုးရွားလှတဲ့ ကျန်းမာရေးအခြေအနေတွေနဲ့ ဖြတ်သန်းခဲ့ရပါတယ်။

သိပ္ပံပညာရှင်များဟာ အသေးစားနျူကလီးယားစစ်ပွဲရဲ့ အသေအပျောက်နဲ့ ကြောက်စရာအကောင်းဆုံး ရလဒ်တွေကို ခန့်မှန်းခဲ့ရာမှာ “နျူကလီးယား ဆောင်း” လို့ ခေါ်တွင်သည့်တိုင် ဒီကမ္ဘာပျက်တဲ့ အခြေအနေတွေမှာ ရေဒီယိုသတ္တိကြွဖုန်မှုန့်များ၊ မီးခိုးများနဲ့ နေအလင်းရောင်ရဲ့ သိသာထင်ရှားတဲ့ အစိတ်အပိုင်းတွေကို ပိတ်ဆို့သွားမှာဖြစ်တယ်လို့ သိရပါတယ်။

အပူချိန် ကျဆင်းလာတာနဲ့အမျှ အုံ့မှိုင်းမှုကြောင့် ကမ္ဘာပေါ်ရှိ သီးနှံအမြောက်အမြားဟာ သေကြေပျက်စီးမည်ဖြစ်ကာ ကမ္ဘာလုံးဆိုင်ရာ အငတ်ဘေးကို ဖြစ်ပေါ်စေမှာဖြစ်ပြီး လူသန်းပေါင်းများစွာကို အသက် ဆုံးရှုံးစေမှာ ဖြစ်ပါတယ်။

ဖြစ်ရပ်ဆိုးဟာ ကမ္ဘာဂြိုဟ်ရဲ့ အသက်ရှင်သန်နိုင်စွမ်းကို မည်ကဲ့သို့ အကျိုးသက်ရောက်စေမည်ကို စံနမူနာပြုရန်အတွက် သုတေသီများက ဖြစ်နိုင်ချေရှိတဲ့ နျူကလီးယားစစ်ပွဲခြောက်ခုမှ ထွက်လာမည့် ပြာပမာဏကို တွက်ချက်ခဲ့ပါတယ်။

အိန္ဒိယနှင့် ပါကစ္စတန်ကြား “အကန့်အသတ်” စစ်ပွဲကို အခြေခံတဲ့ ဖြစ်ရပ်ငါးခုမှ စတင်ကာ၊ ပဋိပက္ခရဲ့ အတိုင်းအတာပေါ်မူတည်ပြီး ပြာတန်ချိန် ၅ ဒသမ ၅ သန်းမှ ၅၂ သန်း အထိ ထွက်ရှိနိုင်မယ့် ကက်ရှ်မီးယားဒေမှ အမေရိကန်နဲ့ ရုရှားတို့ပါဝင်မယ့် ကမ္ဘာလုံးဆိုင်ရာ နျူကလီးယားစစ်ပွဲအထိ ပြာတန်ချိန် ၁၆၅ သန်း (မက်ထရစ်တန် သန်း ၁၅၀) အထိ ရှိမယ်လို့ တွက်ချက်ပြထားခဲ့ပါတယ်။

အမေရိကန်နဲ့ ရုရှားတို့ကြား နျူကလီးယားစစ်ပွဲရဲ့ အဆိုးဆုံးအခြေအနေမှာ ကမ္ဘာမြေမျက်နှာပြင်ပေါ်ရှိ အပူချိန်ဟာ ၂၉ ဒီဂရီဖာရင်ဟိုက် (၁၆ ဒီဂရီစင်တီဂရိတ်) သို့မဟုတ် အပူချိန် ၃ ဆကျော် ကျဆင်းသွားမည်ဖြစ်ကြောင်း သုတေသီများက တွေ့ရှိခဲ့ပါတယ်။

လူပေါင်း ၅ ဘီလီယံခန့်လည်း သေဆုံးရပါလိမ့်မယ်။ အိန္ဒိယနဲ့ ပါကစ္စတန်ကြား အပြင်းထန်ဆုံးစစ်ပွဲမှာ ကမ္ဘာလုံးဆိုင်ရာ ကယ်လိုရီထုတ်လုပ်မှုသည် ၅၀ ရာခိုင်နှုန်းအထိ ကျဆင်းသွားနိုင်ပြီး လူပေါင်း ၂ ဘီလီယံ သေဆုံးစေနိုင်မည် ဖြစ်ပါတယ်။

ဒါကြောင့် ဒီလက်နက်တွေက ဖြစ်ပေါ်လာမယ့် မီးလောင်မှုတွေကနေ ထွက်လာတဲ့ စွမ်းအင်ဟာ လက်နက်တွေ ကိုယ်တိုင်ထုတ်လွှတ်တဲ့ စွမ်းအင်ထက် အဆ 100 မှ 1,000 ပိုများနေနိုင်ပါတယ်။

သေးငယ်တဲ့ သာမိုနျူကလီးယားစစ်ပွဲများဟာ 1-megaton နျူကလီးယား ထိပ်ဖူးပေါင်း ၁၀၀ ခန့်ကို အသုံးပြု၍ လေထုထဲသို့ ထူထဲသော အနက်ရောင် မီးခိုးအလွှာကို ပေးပို့နိုင်ကာ ကမ္ဘာတစ်ဝှမ်းရှိ မြေပြင်အပူချိန်ကိုလည်း အနှုတ် ၅ သို့ ကျဆင်းသွားနိုင်ကြောင်း တွေ့ရှိခဲ့ရပါတယ်။

တစ်ပတ် သို့မဟုတ် နှစ်ပတ်အတွင်း အနှုတ် 13 F (အနှုတ် 15 မှ အနှုတ် 25 C) အထိ ဆယ်စုနှစ် နှစ်ခုအထိ ကြာမြင့်မည့် အအေးခံသက်ရောက်မှုကိုလည်း ခန့်မှန်းထားကြပြီး တစ်ကမ္ဘာလုံးက သက်ရှိ ၆၅% ခန့်ကို မျိုးသုဉ်းသွားနိုင်ချရှိတယ်လို့ သူတို့ရဲ့ လေ့လာမှာ နိဂုံးချုပ်ခဲ့ပါတယ်။

Knight News Team

Crd