အနောက်နိုင်ငံများနှင့် မပြေလည်ချိန်တွင် ပူတင်နှင့်ရှီကျင့်ဖျင် ထပ်မံတွေ့ဆုံရန် စီစဉ်

News World
အနောက်နိုင်ငံများနှင့် မပြေလည်ချိန်တွင် ပူတင်နှင့်ရှီကျင့်ဖျင် ထပ်မံတွေ့ဆုံရန် စီစဉ်
11-September-2022
ရုရှားသမ္မတ ဗလာဒီမာပူတင်နှင့် တရုတ်သမ္မတ ရှီကျင့်ဖျင်တို့သည် လာမည့်သီတင်းပတ်တွင် ဥဇဘက်ကစ္စတန်၌ တွေ့ဆုံဆွေးနွေးနိုင်ဖွယ်ရှိပြီး အနောက်နိုင်ငံများနှင့် ပဋိပက္ခများ ရင်ဆိုင်နေရသော အင်အားကြီးနှစ်နိုင်ငံအကြား နွေးထွေးသော ဆက်ဆံရေးရှိကြောင်း အချက်ပြလိုက်ခြင်းပင် ဖြစ်သည်။
တရုတ်နှင့် ရုရှားတို့ လွှမ်းမိုးထားသည့် နိုင်ငံရေး၊ စီးပွားရေးနှင့် လုံခြုံရေး ဖိုရမ်ဖြစ်သည့် ရှန်ဟိုင်း ပူးပေါင်း ဆောင်ရွက်ရေး အဖွဲ့တွင် တွေ့ဆုံမှုသည် ခေါင်းဆောင်နှစ်ဦးစလုံးအတွက် အချိန်အခါကောင်းဖြစ်ပြီး ယခုနှစ် အတွင်း ဒုတိယအကြိမ်မြောက် မျက်နှာချင်းဆိုင် တွေ့ဆုံမှု ဖြစ်လာမည်ဖြစ်သည်။
ပူတင်သည် ရုရှားကို ပိုမိုအထီးကျန်စေခဲ့သော ယူကရိန်းစစ်ပွဲ၏ စီးပွားရေးနှင့် နိုင်ငံရေးဆိုင်ရာ ဆိုးကျိုးများကို ကိုင်တွယ်ဖြေရှင်းနေရကာ ရန်လိုသည့်စိတ်အခြေအနေရှိနေသည်။
ရှီကျင့်ဖျင်မှာလည်း ဝီဂါနှင့်တခြားမွတ်စလင်လူနည်းစုများအပေါ် တရုတ်၏ပြုမူဆက်ဆံပုံနှင့် ထိုင်ဝမ်အခြေအနနှင့်ပတ်သက်ပြီး အနောက်နိုင်ငံများ၏ ဆက်ဆံရေးတင်းမာမှုကို ကြုံတွေ့နေရသည်။
ခေါင်းဆောင် နှစ်ဦးသည် စက်တင်ဘာ ၁၅ ရက်မှ ၁၆ ရက်အထိ ဥဇဘက်ကစ္စတန် ဆာမာကန်မြို့တွင် တွေ့ဆုံမည်ဖြစ်ကြောင်း တရုတ်နိုင်ငံဆိုင်ရာ ရုရှားသံအမတ်ကြီးက သတင်းထောက်များအား စက်တင်ဘာ ၇ ရက်က ပြောကြားခဲ့သည်။
“ကျွန်တော်တို့ သမ္မတ ရှီကျင့်ဖျင့်နဲ့ မကြာခင် ဥဇဘက်ကစ္စတန်မှာ ဆုံတွေ့မယ်လို့ မျှော်လင့်ပါတယ်” ဟု ရုရှား စီးပွားရေးဖိုရမ်တွင် တရုတ်ထိပ်တန်းဥပဒေပြုအမတ် လီကျန်းရှူအား ပူတင်ကိုယ်တိုင် အတည်ပြုခဲ့သည်။
ရှီသည် ဥဇဘက်ကစ္စတန်သို့ သွားရောက်ခဲ့ပါက ၂ နှစ်ခွဲအတွင်း ၎င်း၏ ပထမဆုံး နိုင်ငံရပ်ခြားခရီးစဉ် တစ်စိတ် တစ်ဒေဖြစ်လာမည်ဖြစ်သည်။ ၂၀၂၀ ခုနှစ်အစောပိုင်းက ကိုဗစ်-၁၉ ရောဂါဖြစ်ပွားမှုနောက်ပိုင်း ရှီသည် တစ်ပိုင်း လျှပ်စစ်ကူးပစ္စည်းထုတ်ရာမြို့တော် ဟောင်ကောင်သို့ တစ်ရက်ကြာခရီးသွားရန် တရုတ်ပြည်မကြီးမှ တစ်ကြိမ်သာ ထွက်ခွာခဲ့သည်။
ရုရှားနှင့် တရုတ်တို့သည် အာရှ၊ ဥရောပနှင့် အခြားနိုင်ငံများရှိ လစ်ဘရယ်ဒီမိုကရေစီ အင်အားစုများကို ဆန့်ကျင်ရန် ၎င်းတို့၏ နိုင်ငံခြားရေးမူဝါဒများကို တိုးမြှင့်ချိန်ညှိခဲ့ကြကာ လွတ်လပ်စွာ ပြောဆိုခွင့်၊ လူနည်းစု အခွင့်အရေး သို့မဟုတ် အတိုက်အခံ နိုင်ငံရေးကို အလေးမထားဘဲ အာဏာရှင်ဆန်သည့် အုပ်ချုပ်ရေးကို ဆုပ်ကိုင်ထားသည်။
By AP 10 September 2022
အနောက်နိုင်ငံများနှင့် မပြေလည်ချိန်တွင် ပူတင်နှင့်ရှီကျင့်ဖျင် ထပ်မံတွေ့ဆုံရန် စီစဉ်
#Russia_ChinaRelations
crd moe win oo