အငြင်းပွား တောင်တရုတ်ပင်လယ်ပြင်ထဲ ဖိလစ်ပိုင်ကမ်းခြေစောင့်တပ် စစ်ရေးလေ့ကျင့်

News

တောင်တရုတ်ပင်လယ် ရေကြောင်းပိုင်နက် အငြင်းပွားနေတဲ့ ရေပိုင်နက်ထဲမှာ သူတို့ပိုင် စီရင်ဆုံးဖြတ်ခွင့်နယ်မြေဆိုတာ ပြသတဲ့ ကြိုးစားမှု တစိတ်တပိုင်းအဖြစ် ဖိလစ်ပိုင် ကမ်းခြေစောင့်တပ်တွေ စစ်ရေးလေ့ကျင့်နေပါတယ်။

သဘာဝအရင်းအမြစ် ပေါကြွယ်ဝတဲ့ ပင်လယ်ပြင်ပိုင်နက်ကိစ္စ တရုတ်နဲ့ တင်းမာမှုတွေ တိုးလာနေတဲ့အချိန် ဖိလစ်ပိုင်သိမ်းထားတဲ့ Thitu ကျွန်းနဲ့ တရုတ်ဘက်က ထိန်းချုပ်တဲ့ Scarborough Shoal ကျွန်းတွေအနားမှာ ဖိလစ်ပိုင် ကမ်းခြေစောင့်တပ် စစ်ရေးလေ့ကျင့်တာပါ။

ပြီးခဲ့တဲ့လက Spratly ကျွန်းစုနားမှာ ရာနဲ့ချီတဲ့ တရုတ်သင်္ဘောတွေကို တွေ့ခဲ့ရပြီးတဲ့နောက် နှစ်နိုင်ငံအကြား သံတမန်ရေးအရ နောက်ဆုံး ငြင်းခုံမှုတွေ ပိုပြီး ကြီးထွားလာခဲ့တာပါ။

သင်္ဘောအများစုဟာ အငြင်းပွားနေတဲ့ ကမ်းရိုးတန်းဒေသ အနီးမှာ သွားလာနေခဲ့တာ ဖြစ်ပါတယ်။ ပင်လယ်ပြင်တခုလုံးကို သူတို့ပိုင်လို့ ပြောထားတဲ့ တရုတ်နိုင်ငံက ဒီသင်္ဘောတွေကို ပြန်ခေါ်ဖို့ ဖိလစ်ပိုင်ဘက်က တောင်းဆိုတာကို လက်မခံခဲ့ပါဘူး။ ဒီလှေတွေဟာ ငါးဖမ်းလှေတွေလို့ တရုတ်နိုင်ငံဘက်က ပြောပေမယ့် ရေတပ်အမည်မခံတဲ့ အရပ်သား တိုက်ခိုက်ရေးရေယာဉ်တွေ ဖြစ်တယ်လို့ ဖိလစ်ပိုင်ဘက်က ပြောဆိုထားပါတယ်။

credit – VOA

Leave a Reply