ပျောက်ဆုံး အင်ဒိုရေငုပ်သင်္ဘော အစိတ်အပိုင်းတချို့ တွေ့ရှိ

News

ပျောက်ဆုံး အင်ဒိုရေငုပ်သင်္ဘော အစိတ်အပိုင်းတချို့ တွေ့ရှိ

အင်ဒိုနီးရှားနိုင်ငံက ရေယာဉ်အမှုထမ်း ၅၃ ယောက် လိုက်ပါသွားတဲ့ ပျောက်ဆုံးရေငုပ်သင်္ဘောကလို့ ယူဆရတဲ့ အပိုင်းအစတချို့ ရှာတွေ့ရှိတဲ့အကြောင်း အင်ဒိုနီးရှားက ကြေညာချက် ထုတ်ပြန်ပါတယ်။ အဲဒီအထဲမှာ ရေငုပ်သင်္ဘောအတွင်းက အပိုင်းအစတချို့လည်း ပါဝင်တယ်လို့ အေအက်ဖ်ပီ သတင်းဌာနက ရေးပါတယ်။

ရေယာဉ်ထဲက အမှုထမ်း ၅၃ ဦးအတွက် အောက်ဆီဂျင်ဟာ အခု စနေအစောပိုင်းမှာ ပြတ်လပ်သွားမယ်လို့ ယူဆရတဲ့အကြောင်းလည်း တာဝန်ရှိသူတွေက ပြောပါတယ်။

“ရေငုပ်သင်္ဘော နောက်ဆုံး ရေငုပ်သွားတဲ့ နေရာကနေ အပျက်အစီးတွေနဲ့ ပစ္စည်းတချို့ကို ပြီးခဲ့တဲ့ ရက်အနည်းငယ်တုန်းက ကျနော်တို့ ရှာတွေ့ခဲ့ပါတယ်။” လို့ ရေတပ်အကြီးအကဲ Yudo Margono က သတင်းထောက်တွေကို ပြောပါတယ်။ ဒီရေငုပ်သင်္ဘောဟာ ဗုဒ္ဓဟူးနေ့တုန်းက ဘာလီကျွန်း ကမ်းခြေကနေ ထွက်ခွာသွားပြီးနောက် ရုတ်တရက် အဆက်အသွယ် ပြတ်တောက်သွားခဲ့တာပါ။

ကွန်ပျူတာစနစ်နဲ့ ရှာဖွေရာမှာ ရေငုပ်သင်္ဘောဟာ ၈၅၀ မီတာအနက်မှာ တွေ့နေရပြီး ဒီအကွာအဝေးဟာ အသက်ရှင်နိုင်တဲ့ အကန့်အသတ်ထက် ကျော်နေကြောင်း၊ စစ်ရေးလေ့ကျင့်ဖို့ ပြင်နေတဲ့ ဒီ ရေငုပ်သင်္ဘောဟာ မီတာ ၅၀၀ အနက်အထိသာ ခံနိုင်ရည်ရှိကြောင်း ရေတပ်အကြီးအကဲက ပြောပါတယ်။

credit – VOA

Leave a Reply