စာရေးဆရာအကြည်တော် ယနေ့ညတွင်ကွယ်လွန်

စာရေးဆရာ အကြည်တော် ယနေ့ ည(၈) နာရီခွဲတွင် ကွယ်လွန်

စာရေးဆရာ အကြည်တော် ယနေ့ (၈) နာရီခွဲတွင် ကွယ် လွန်သွားပြီ ဖြစ်ကြောင်း ၎င်း၏ မိသားစုဝင်များထံမှ သိရသည်။

စာရေးဆရာ အကြည်တော်သည် အစာရေမြိုကင်ဆာ ရောဂါခံစားနေရကာ ထိုင်းနိုင်ငံ ဘန်ကောက်မြို့တွင် ဆေး ဝါးကုသနေရာမှ ပြီးခဲ့သည့် အောက်တိုဘာ လလယ်ပိုင်းက မြန်မာနိုင်ငံသို့ ပြန်လည်ရောက်ရှိလာကာ သတိ လစ်မေ့မြော သွားသဖြင့် ပင်လုံဆေးရုံဆေးဝါးကုသနေရာမှ ယနေ့ ည‌ (၈) နာရီခွဲတွင်၌ ကွယ်လွန်သွားခြင်းဖြစ် ကြောင်း သိရသည်။


စာရေးဆရာ အကြည်တော် ကွယ်လွန်ကြောင်းကို ၎င်း၏ တူမဖြစ်သူက လူမှုကွန်ရက်မှတဆင့် အသိပေးထား သ ည်။

“ဦးကို ညင်ညင်သာသာ ထွက်ခွာသွားပါပြီ” ဟု တူမဖြစ်သူက ၎င်း၏ လူမှုကွန်ရက်တွင် ရေးသားထားသည်။

စာရေးဆရာ အကြည်တော်သည် ဟာသဝတ္ထု အများအ ပြားဖြင့် ပရိသတ်များ၏ အားပေးခြင်းကို အခိုင်အမာရရှိထားသည့် စာရေးဆရာ တစ်ဦးဖြစ်သည်။

စာရေးဆရာ အကြည်တော်၏ နာမည်ရင်းမှာ စောကြည် ဖြူဖြစ်ကာ အဖ ဦးထွန်းနိုင် အမိဒေါ်ယုနွယ်ဖြစ်ပြီး မွေး ချင်း (၇) ယောက်အနက် ခြောက်ယောက်မြောက်သား ဖြစ်သည်။

၁၉၈၈ ခုနှစ်မှစ၍ ကိုကိုကြီး ကလောင်အမည်ဖြင့် စာပေလောကသို့ စတင် ဝင်ရောက်ခဲ့ကာ ၂၀၀၃ ခုနှစ်တွင် အကြည်တော် အမည်ဖြင့် လုံချင်းဝတ္ထုများ စတင်ရေးသားခဲ့သည်။

ဆရာအကြည်တော်သည် ဟာသဝတ္ထုများစွာဖြင့် ပရိသတ်ရင်ကို ကိုင်လှုပ်နိုင်ခဲ့သူဖြစ်ပြီး ၎င်း၏ ဝတ္ထုအများအပြားကို ရုပ်ရှင် ပြန်လည်ရိုက်ကူးခြင်းများလည်း ရှိခဲ့သည်။

ကျောက်သင်ပုန်းတွေ မိုးထားတဲ့အိမ် ၊ ကဝေပျို၏ နိ ဒါန်း၊ ခြူဆီ၊ ဆွေတစ်ရာ မောင်တစ်ကျိပ်၊ ဇော်က ကနေ သည်၊ နေတစ်ခြမ်း လတစ်ခြမ်း၊ ပြုံးရွှင်ရေ ပျော်ရဲ့လား (ပြုံးရွှင်သည် ငိုတတ်သည်)၊ ဘီလူး၊ စောကြည်ဖြူနှင့် မြင့်စန်းရီ (မောင်စောကြည်ဖြူနှင့် မမြင့်စန်းရီ)၊ယောက္ခ မနှင့် တစ်ထောင့်တစ်ည၊ ရွှေမိုးသည်း၊ အိပ်မက် အပိုဒ်ခွဲ (၉) အစရှိသည့် ဝတ္ထုများအပါအဝင် ဝတ္ထုစာအုပ်ပေါင်း ၁၀၀ နီးပါး ရေးသားခဲ့သူဖြစ်သည်။

Popular news

crd

Crd